Mah-e-Ramzaan kay Foodies ki iqsaam!

Mah-e-Ramzaan ul Mubarik kay baa-barkat ‘maheenay’ mai jahan aur bohat chehal pehal hoti hai (thee) .. wahan food forums pay bhi kaafi ronaq rehti hai .. meri observation kay mutabik kuch khaas kisam kay foodies dekhnay ko miltay hain .. paish-e-khidmat hai …

1. The Alhamdulillah Foodies – Alhamdulillah 1st Iftari done .. Alhamdulillah 2nd Iftari done .. In logon nay sirf apni ginti improve karni hoti hai, kasmay!
2. ‘Hubby Chef’ walay foodies – Meray hubby nay to aaj mujhay surprise he kar diya, ainni changi iftari … uff my gawwwd, so blessed.
   Calorie burning foodies – ‘Alhamdulillah burnt 500 calories’ with a picture of jalay huay samosay. Oye hello, I don’t like mazaak with samosay, pehlay bata raha hoon.
3. The Countdown Foodies – Roz batayen gay kay aaj konsi iftari thee ….. Only 29 left. 1 jo guzar gaya hai us say ziada 29 sun sun kay tension hoti rahay gee bhai .. bus kar do plz hum khud hisaab laga len gay.
4. The Health Police – jo logon ki posts pay jaa jaa kay, pictures zoom kar kar kay un-healthy khana talaash karen gay aur phir kahen gay .. ‘Not healthy bro, not healthy’
5. Caring Hamsaye – “Yeh shaandaar plate na hum apnay hamsaye ko bhejnay he lagay thay kay socha aik picture to banti hai” … they ensure kay humsaye ko block kiya ho warna us nay post dekh kay kehna hai bhai aaj akhri roza aa gaya hai plate nahin pohanchi abhi tak :p (I am sure asal mai bhi jati ho gee plate, I am joking)
6. ‘Homemade’ Foodies – yeh baray impressive hotay hain yaar .. duniya ki sub say aukhi dish ghar mai bana kay inferiority complex detay rehtay hain.
7. Sehat kay baray mai serious – In ki post mai aik plate mai dur dur thora sa boring khana rakha ho ga aur humain healthy khanay kay fazaail batayen gay yeh .. O payee, koi nahin suntaa .. sub khatay hain pakoray tunn kay. It’s good to promote healthy eating, don’t get me wrong 🙂

Itna parhnay ka shoonkria

PS: Dee gayee tasveer mai Woh azeem ’khuraak’ jis nay Ramzan mai patlay honay walay saray plan ‘sateyanaas’ kar denay hain 🤪

Yaad rakhna, Pehlay bata raha hoon 😎 (Picture is from my #Throwbacking collection)

www.instagram.com/alirehman
#WailaPhotographer